Dagens Outfit

Åh, for ei original overskrift. Og for eit originalt innlegg det som regel er. For det fyrste heiter det antrekk, og dagens kan ein, eller bør ein i alle fall ikkje skrive på nynorsk. Då skulle ein heller ha kalla innlegget "Antrekk a la Måndag, Tysdag, osb." Eller noko i den dur, samt moll.. (Ja, eg går musikklinja!)

Uansett, ville eg berre meddele at sjølv om eg ikkje likar alle "dagens outfit"-innlegg, so får eg utruleg lyst på nye klede når eg kjem over slike bloggpostar med stil. Å sjå innelgga til dei som bloggar om kva dei går med fordi det er ein del av identiteten deira, er alltid inspirerande. Då må eg også leggje til at den identiteten bør skilje seg ut i saueflokken. Mange av antrekkinnlegga kunne nemleg diverre like gjerne hatt oversktifta "Bæ, bæ, fashionsheep."

Antrekkbloggarar som faktisk har eit særeige preg på kleda sine og stilen sin, står nok høgare på lista. Dersom ein har som hensikt å inspirere, framfor å bli godtatt av dei andre sauene, er dette i mine auge positivt. Om ein då i tillegg tek vakre bilete, som ikkje berre har antrekket som fokus heller, er det endå betre. Biletet har godt av å ha blitt gjort på ein meir kreativ og gjennomtenkt måte enn å lage trutmunn til kamerakvinna, som i dei fleste tilfelle også er modellen.

Til slutt vil eg berre illustrere mitt poeng med eitt bilete:


Eg fann ikkje ein blogg som var gjennomgåande gjennomtenkt når det kjem til denne saka, so eg valde heller å dele eit bilete tatt av Kirsty Mitchell. Åh, hadde alle "outfit"-postar sett slik ut hadde eg ikkje lest anna!

Ingen luringar

Er du ein luring?

Yngvild

Yngvild

19, Hyllestad

tanketom men full av undring. trur på noko, men veit ikkje heilt kva. vassmann og fisk på same tid. elskar å fotografere, men har absolutt ikkje fotografisk hukommelse. vil ikkje ha godt gehør, og vert overlukkeleg over alle tonar som høyres feil ut. foretrekk poesi framfor prosa. syns det er flaut å skrive det, men blir glad for kommentarar. smiler ofte, men brukar sjeldan smilefjes. sånn som no.

Kategoriar

Arkiv

hits