Ny hybel

Den er koseleg, romselg, ryddig og triveleg, innbydande, og eg vert ikkje stressa når eg set meg ned. Tru det eller ei, det er den same gode gamle hybelen, der eg har budd sidan skulestart i haust. Før vinterferien(JIPPI!) og alle andre feriar, skal det gjerast ekstra fint på hybelen. Den skal rett og slett vere strøken før feriane, ifølgje husreglane til hybelverten. Denne gongen hadde dei hine eg bur med knapp tid til dette, so eg har stått på sidan skulen slutta i dag. Har jo tatt små pausar, men blei ikkje ferdig tidleg! Heldt på i fleire timar. Uansett var det verdt det, no er hybelen slik eg vil ha han: heimekoseleg. Bur du på hybel? Korleis likar du at den skal sjå ut? Eg vil tru at dei fleste likar godt å ha ein koseleg og ryddig hybel, i alle fall jentene. Det verkar som jenter får meir ro i kroppen enn gutar, når dei set seg ned i eit ryddig, koseleg rom, som før har vore rotete. Gutane merkar at det er ryddig, men sansar dei det med meir enn synet? 

 

038red


 

Eg bur saman med to veldig rotete gutar. Men no har eg bestemt meg: eg har budd på deira hybel to tredelar av skuleåret, men no skal dei bu på min resten av det :) Ikkje meir rot overalt, anna enn eit avgrensa roteområde(for dei) på det store badet vårt. Eg må finne på ein god ide, trussel, frynsegode eller noko anna som får dei til å skjerpe seg. Kall meg ond, men eg har tenkt ut nokre reglar som kanskje kan få dei.. ehm, oss,  i sving: 

Dersom personleg rot som klede, papir, bøkjer, linser(dei er overalt!), råten mat, etc ligg og sleng der det ikkje skal, har vedkomande som finn det rett til å:

  • leggje det i senga til eigaren.
  • Om ein ikkje veit kven som eig det, kan ein legge det i dusjen, og eigaren må då vaske den. 
  • Legge eigedelane ut i snøen
  • Late dei ligge. Men då pliktar finnaren å vaske heile hybelen, medrekna alle sine private rom :)

 

Andre tiltak:

  • Eg kan lage mat til dei ein gong i veka. Dei et tross alt berre Fjorland og Grandis, so skikkeleg heimelaga mat må då friste... men kanskje ikkje nok til å faktisk gjere noko på hybelen, regelmessig. Kan jo alltids slenge på ein dessert og ;)
  • Betale dei ein slant
  • Kreve peng for rotekvote

 

Har du nokre litt meir realistiske og seriøse, samt snille forslag, som ikkje får dei til å tru(forstå) at eg er heilt gala? 

7 luringar

Kamilla

21.feb.2009 kl.14:48

Hahaha, legg da i senga deira =)

Mari

22.feb.2009 kl.02:33

Eg har budd med utallige rotekoppar (inkludert mi eiga søster då eg gjekk på Firda), og skulle verkeleg ønske eg hadde hatt guts til å leggje rotet i senga deira. Skulle gjerne sagt at det blir betre når folk blir eldre, men... Det beste er eigentleg å flytte inn med folk som har samme syn som deg på kva som er ryddig.Når det gjeld tiltak, så syns eg det var ein god idé å lage mat til dei. Då skyldar dei deg noko, på ein måte. :)Til slutt, veldig forsinka svar: Eg òg likar kjempegodt Mr Zebra. Den er så fantastisk søt og absurd. Og eg har alltid lurt på kva ei Cornflake Girl er... Det er veldig mange bra songar på Tales of a Librarian, men må innrømme at det er det eine albumet hennar eg ikkje har. Kanskje eg skal vere flink fan og kjøpe det. ;)

Agnete

24.feb.2009 kl.21:39

Hehe, eg måtte berre le når eg las reglane dine! Men du er jo ikkje så veldi ond, det må jo sjå noko lunde ut på hybelen ^^

Torunn

04.mar.2009 kl.23:19

Flisa i auget åt bror din kan du sjå, men bjelken i ditt eige auge vert du ikkje var. :)

Yngvild

04.mar.2009 kl.23:28

Torun:Antar da e Torunn i 3 musikk so kommentera ;Phehe, du ha eit poeng, eg trur eg skreiv at eg ikkje har vore noko betre sjølv før. Berre litt ;)Men dersom alle prøver vert det meir motiverdande å ta ut flisa :) No har dei jo vore utruleg flinke! :D Og det vil eg påstå at eg og har vore.Men badet stinkar fukt, og råte :S

Torunn

04.mar.2009 kl.23:54

hehe, ja. men lykke til:)

Yngvild

05.mar.2009 kl.00:32

Torunn:Takk, trur me trenge da alle i hop ;) haha :P

Er du ein luring?

Yngvild

Yngvild

19, Hyllestad

Har som søster av ei kreativ sjel blitt kalla både smokken, akurken og smekken. Foretrekker å bli kalla Yngvild, eller noko anna smigrande. Er eit kortvokst sjarmerande vesen som likar bilete, musikk, dikt, noveller, romanar, filmar, gullkorn og mykje meir. Eg bloggar når eg sjølv føler at eg har noko å blogge om, og når eg sjølv har lyst å blogge. PS: Vennligst ikkje legg igjen kommentar dersom du verken les eller observerar noko av det som står på sida. På førehand takk.

Kategoriar

Arkiv

hits